សមាគមសម្ពន្ធសេដ្ឋកិច្ចក្រៅប្រព័ន្ធ ត្រូវបានបង្កើតឡើងដោយសមាគមជាច្រើន និងបានចុះបញ្ជីជាផ្លូវការនៅក្រសួងមហាផ្ទៃ តាមប្រកាសលេខ២៨៥៧ ប្រក ចុះថ្ងៃទី ២៥ ខែឧសភា ឆ្នាំ២០២៣ និងមានអាសយដ្ឋានស្នាក់ការកណ្ដាលស្ថិតនៅអាគារលេខ ៥០-៥២ ជាន់ទី១១ ផ្លូវ១៧២ ភូមិទី១១ សង្កាត់ផ្សារថ្មីទៅ៣ ខណ្ឌដូនពេញ រាធានីភ្នំពេញ។

            ឈ្មោះជាភាសារខ្មែរ សមាគមសម្ពន្ធសេដ្ឋកិច្ចក្រៅប្រព័ន្ធ មានអក្សរកាត់ (ស.ស.ក.) និងអក្សរជាឡាតាំង Informal Economy League Association អក្សរកាត់ (IEL) ។

            ស.ស.ក. គឺជាសមាគម មិនស្វែងរកប្រាក់កម្រៃជាឯកជន អព្យាក្រឹត្យ មិនប្រកាន់ពូជសាសន៍ មិនប្រកាន់សាសនា មិនប្រកាន់និន្នាការនយោបាយ មិនធ្វើនយោបាយ មិនធ្វើជាឧបការណ៍នយោបាយ ក្នុងនោះរួមមាន មិនផ្ដល់ជាមធ្យោបាយជាសម្ភារៈ ហិរញ្ញវត្ថុ ធនធានមនុស្ស ដើម្បីគាំទ្រគណបក្សនយោបាយណាមួយឡើយ។

ស.ស.ក. មានគោលដៅបម្រើសមាជិកភាព និងបង្កើតទំនាក់ទំនងល្អក្នុងសមាគម និងសង្គមជាតិសំដៅចូលរួមអភិវឌ្ឍន៍ សេដ្ឋកិច្ចក្រៅប្រព័ន្ធ ក្លាយជាចលករសេដ្ឋកិច្ចដ៏សំខាន់ និងមានអត្ថប្រយោជន៍ដល់កម្ពុជា។

            ស.ស.ក. នឹងផ្ដល់លទ្ធភាពឱ្យប្រជាពលរដ្ឋ (រូបវន្តបុគ្គល) ដែលមានអាយុចាប់ពី ១៨ ឆ្នាំឡើងទៅ ឬនីតិបុគ្គលស្រប់ច្បាប់នានាមានសិទ្ធសុំចូលរួមជាសមាជិករបស់ ស.ស.ក. បាន។ ប្រភេទសមាជិកភាពរួមមាន៖ សមាជិកស្ថាបនិក សមាជិកកិត្តិយស សមាជិកសកម្ម សមាជិកគាំទ្រ។ ការចូលរួមតាមការស្មគ្រចិត្ត និងតាមការសម្រេចរបស់គណៈកម្មាធិការវាយតម្លៃរបស់ ស.ស.ក.។

            សមាជិកភាពគោលដៅ របស់ស.ស.ក. រួមមានសមាគម សម្ពន្ធ សហព័ន្ធ បណ្តាញ មជ្ឈមណ្ឌល ក្រុមហ៊ុន និងស្ថាប័ន ដែលជានីតិបុគ្គលស្របច្បាប់ គ្របដណ្តប់ វិស័យ ដែលមានប្រភេទអាជីវកម្ម មុខរបរ និងការងារអាទិភាព (ដូចកំណត់ក្នុង បញ្ជីរស់ របស់យុទ្ធសាស្ត្រជាតិស្តីពីការអភិវឌ្ឍសេដ្ឋកិច្ចក្រៅប្រព័ន្ធ ឆ្នាំ២០២៣-២០២៨ និងបន្ថែមផ្សេងតាមការកំណត់របស់ស.ស.ក.)ដូចជា៖